Murli se Chakra tak, Prem amar hai

“Kanhaa… ek samay tha,
jab teri murli se Vrindavan jeeta tha.
Jamuna ke kinare,
phoolon ki khushboo,
aur har pal mein sirf tera saath.”

“Aaj main dekhti hoon—
bansuri chup hai,
aur tere haathon mein chakra chamak raha hai.
Prem ke geet khamosh ho gaye,
dharma ka shankh baj utha.”

“Kya tujhe yaad hai,
vo pal jab tu bas ek chanchal baalak tha?
Jab meri aankhon mein hi
tera poora sansaar basa karta tha?”

“Par ab tu alag hai,
tu duniya ka rakshak hai.
Main samajhti hoon, Kanhaa—
par ek prashn sada rahega:
Kya Radha ab bhi tere andar zinda hai?”

Aur Krishna ki awaaz jaise gungunahat ban kar aayi—

“Radhe, tu kabhi alag kaise ho sakti hai?
Aaj bhi maan vahi Vrindavan mein hain,
tumhare liye toh aaj bhi main vohi Kanhaa hoon.
Har roop mein tu mere saath hai,
duniya ka Krishna sirf tera Kanhaa hai.
Aur ye mat bhulna—
jahan Kanhaa hai,
vahan Radha bhi hai.”